2. ХАБАРЛАНДЫРУЛАРДЫ ОРНАЛАСТЫРУ
3. ПАЙДАЛАНУШЫЛАРДЫҢ ЖЕКЕ ДЕРЕКТЕРІН ӨҢДЕУ ТАЛАПТАРЫ ЖӘНЕ ОҒАН КЕЛІСІМ БЕРУ
4. ПАЙДАЛАНУШЫ ҰСЫНАТЫН МӘЛІМЕТТЕР
5. ХАБАРЛАНДЫРУЛАРДЫ ЖОЮ СЕБЕПТЕРІ
6. ТАРАПТАРДЫҢ ҚҰҚЫҚТАРЫ МЕН МІНДЕТТЕРІ
8. КОМПАНИЯНЫҢ ЖАУАПКЕРШІЛІГІН ШЕКТЕУ
9. КЕЛІСІМНІҢ ҚОЛДАНЫЛУ МЕРЗІМІ ЖӘНЕ САЙТ ҚЫЗМЕТТЕРІН КӨРСЕТУДІ ТОҚТАТУ
10. КЕЛІСІМГЕ ӨЗГЕРІСТЕР ЕНГІЗУ
1. ЖАЛПЫ ЖАЙЛАР
1.1 «ОЭлИкс Групп (OLX Group)» ЖШС, (бұдан әрі Орындаушы және/немесе Компания) https://www.olx.kz Тапсырыс берушінің интернет-сайтында осы Қызмет көрсету туралы жария шартын (Келісім және/немесе Оферта) жариялайды.
1.2. Қазақстан Республикасы Азаматтық кодексінің (Қазақстан Республикасы АК) 387- бабына сәйкес осы Келісім Жария шарт болып табылады және төменде баяндалған шарттар қабылданған (акцепт) жағдайда кез келген әрекетке қабілетті жеке немесе заңды тұлға (бұдан әрі – Пайдаланушы) осы Келісімнің талаптарын орындауға міндеттенеді.
1.3. Осы Офертада, егер контекст өзгеше талап етпесе, төменде келтірілген терминдер мынадай мағыналарға ие:
- Оферта – Тапсырыс берушінің кез келген жеке және/немесе заңды тұлғаға оның барлық қосымшаларын қоса алғанда осы Келісімдегі тааптармен Қызмет көрсету туралы жария шартты жасауға бағытталған ұсыныс;
- Акцепт – Пайдаланушымен Келісімінің талаптарын толық қабылдау;
- Тапсырыс беруші – «ОЭлИкс Групп (OLX Group)» ЖАУАПКЕРШІЛІГІ ШЕКТЕУЛІ СЕРІКТЕСТІГІ, заңды мекенжайы: Қазақстан Республикасы, 050059, Алматы қ., Желтоқсан к-сі, 191 ұй, 1-қабат; БСН 101140005843;
- Сайт – https://www.olx.kz – Компания басқаратын және уақытта жіктелетін хабарламаларды орналастыруға арналған коммуникациялық платформаны білдіретін интернет-сайт (бұдан әрі – Сайт);
- Пайдаланушы – осы Келісімнің шарттарын қабылдаған және Компанияның қызметтерін пайдаланатын кез келген әрекетке қабілетті жеке немесе заңды тұлға;
- Тауар – кез келген материалды және материалды емес нысан;
- Қызмет – Тапсырыс берушінің жеке қажеттіліктерін қанағаттандыру үшін белгілі бір іс-әрекетті жасау немесе белгілі бір қызметті жүзеге асыру үдерісінде тұтынылатын сервисті ұсынуға байланысты тауарларды жеткізу болып табылмайтын кез келген операция
- OLX қызметі/сервисі – Орындаушы Сайттың көмегімен көрсететін кез келген ақылы және тегін сервистер (мысалы, оның ішінде, бірақ тек қана емес, оның барлық мүмкіндіктері, мәтіні, мәліметтері, ақпараты, бағдарламалық қамтамасыз ету, кестелер немесе фотосуреттер, суреттер және т.б.), сондай-ақ Сайт сервистері арқылы Компания ұсынатын кез келген басқа қызметтер;
- Тіркеу жазбасы/аккаунт – Сайттың функционалдық жүйесіндегі Пайдаланушының электрондық кабинеті, оның көмегімен ол Сайтта өзінің хабарландыруларын басқара алады;
- Тіркеу – Пайдаланушының осы Келісімді жасауға Офертаны қабылдауы және оның барысында Пайдаланушы Сайттың тиісті нысандарын толтыру арқылы Сайт сервистерін пайдалану үшін қажетті ақпаратты ұсынады. Тіркеу Сайтта жарияланған нұсқаулықтарға сәйкес оның барлық кезеңдерінен сәтті өткен жағдайда ғана аяқталды деп есептеледі;
- Дербес деректер – бұл мәліметтер немесе олардың көмегімен сәйкестендірілген немесе нақты сәйкестендірілуі мүмкін жеке тұлға туралы мәліметтер жиынтығы;
- SMS-верификация – бұл верификация бетінде Пайдаланушы көрсеткен нөмірге Компанияның SMS-хабарламасында жіберген арнайы верификация кодын верификациялау бетіндегі тиісті өріске енгізу арқылы жүзеге асырылатын Пайдаланушыны тексеру.
4. Егер Пайдаланушы келісіммен толық немесе ішінара келіспесе, Орындаушы оны осы сайттан кетуді және/немесе құрылғыдан қосымшаны жоюды сұрайды. Осы шарттар Пайдаланушының Сайттар мен OLX.kz қызметтерін пайдалануын реттейді. OLX.kz қызметтерін пайдалану Пайдаланушының осы Келісіммен танысқанын, оның шарттарын түсінетінін және қабылдайтынын білдіреді. Тараптардың құқықтары мен міндеттері, Сайттарды пайдалану ережелері сондай-ақ Пайдаланушыларды қолдау орталығының мақалаларында, Сайтта орналастырылған материалдарда (немесе Сайтта орналастырылған сілтемелер) болуы мүмкін. Мұндай мақалалар, материалдар Келісімнің ажырамас бөлігі болып табылады.
5. OLX қандай да бір сервисін пайдалана отырып немесе тіркеу рәсімінен өтіп, Пайдаланушы Келісім шарттарын толық көлемде, ешқандай ескертпесіз және ерекшеліктерсіз қабылдаған болып саналады. Пайдаланушы осы Келісімнің қандай да бір ережесімен келіспеген жағдайда, Пайдаланушы OLX сервистерін пайдалануға құқылы емес.
6. Осы арқылы Компания Интернет желісін Пайдаланушыларға осы Келісімде баяндалған талаптармен өз қызметтерін пайдалануды ұсынады.
7. Компания Пайдаланушыға тауарлар (қызметтер) туралы ақпаратты орналастыру үшін Сайтты пайдалану бойынша қызметтерді, оның ішінде, бірақ тек қана емес, басқа Пайдаланушылардың әр түрлі тауарлар мен қызметтерді кейіннен сатып алу немесе сату мақсатында ұсынады.
8. Барлық мәмілелер Пайдаланушылар арасында тікелей жасалады. Осылайша, Компания Пайдаланушылар мәмілелерінің қатысушысы болып табылмайды, тек хабарландыруларды орналастыру үшін коммуникациялық сауда платформасын ұсынады.
9. Пайдаланушы өзінің бұзылған құқықтары мен заңды мүдделерін қорғау үшін Қазақстан Республикасы Сауда және интеграция министрлігінің Тұтынушылардың құқықтарын қорғау комитетіне немесе ведомстволық бағыныстылық пен соттылықтың белгіленген қағидаларына сәйкес тиісті сотқа жүгінуге құқылы.
ҚР СИМ тұтынушылардың құқықтарын қорғау комитетінің ресми сайты - https://www.gov.kz/memleket/entities/mti-kzpp/contacts?lang=ru
2. ХАБАРЛАНДЫРУЛАРДЫ ОРНАЛАСТЫРУ
1. Пайдаланушы SMS-верификациядан өткеннен кейін Сайттарда хабарландырулар орналастыру құқығына ие болады.
Пайдаланушы тіркеу жазбасын жойған жағдайда, бұрын SMS-верификациялау үшін пайдаланылған телефон нөмірін Пайдаланушы Тіркеу жазбасын жойған күннен бастап 30 күннен кейін қайталап пайдалануы мүмкін. Компания Тіркеу жазбасын бұғаттаған жағдайда, SMS-верификациялау үшін пайдаланылған телефон нөмірін тиісті Тіркеу жазбасын бұғаттаған күннен бастап 1 жылдан кейін қайта пайдалануға болады.
2. Пайдаланушы сондай-ақ қосымша Сервистерді алу мақсатында, формулярды толтыра отырып, тек Пайдаланушы ғана қол жеткізе алатын нақты электрондық мекенжайын, таңдалған құпия сөзді, сондай-ақ тіркеу үшін қажетті басқа да деректерді Сайтта тіркеуге құқылы. Осыдан кейін Пайдаланушы тіркеуді аяқтау үшін өту қажет сілтемесі бар тіркеуді растайтын электрондық хат алады.
3. Тіркелген және тіркелмеген Пайдаланушылар Сайттың мүмкіндіктері мен қызметтерін пайдалану OLX қызметтерін пайдалану жөніндегі ережелер мен нұсқауларды орындау міндеттемелерін қабылдауды білдіреді.
4. Пайдаланушы Сайтқа кіру үшін оның электрондық мекенжайы мен құпия сөзін пайдалану арқылы барлық әрекеттер үшін жауапты болады. Пайдаланушы сайт сервистерін тек жеке электрондық мекенжайы және құпия сөз арқылы пайдалануға құқылы.
5. Пайдаланушы өзіне берілген құпия сөзінің құпиялылығын сақтауға және оны үшінші тұлғаларға ашпауға міндеттенеді.
6. Егер Сайтқа кіру үшін пайдаланылатын оның электрондық мекенжайы мен құпия сөзін үшінші тұлғалар ашқан немесе пайдалануы мүмкін деп күдіктенудің себептері бар болса, Пайдаланушы Сайтқа кіру үшін деректерді дереу өзгертуге міндетті.
7. Тауарларды немесе қызметтерді сату туралы хабарландыруларды Сайтта орналастыратын Пайдаланушы осы Келісімге және Сайтта ұсынылған нұсқаулықтарға сәйкес олар туралы ақпаратты орналастыруға және тауар немесе қызметтер және оларды сату шарттары туралы нақты және толық ақпаратты ұсынуға міндеттенеді. Тауар немесе қызмет туралы ақпаратты орналастыра отырып, Пайдаланушы осы тауарды сатуға немесе осы қызметті олар өткізілетін елдер заңнамасының талаптарына сәйкес көрсетуге құқылы екенін растайды.
8. Пайдаланушы өзі ұсынатын тауарлар/қызметтер олар іске асырылатын және үшінші тұлғалардың талаптарынан бос елдердің заңнамасында белгіленген сапа нормаларына сәйкес келетініне кепілдік береді.
9. Пайдаланушы, егер оларды көрсету арнайы рұқсатты талап еткен жағдайда, арнайы органдары Пайдаланушының осындай қызметін қадағалауды жүзеге асыруға уәкілетті елдер заңнамасының талаптарына сәйкес жүзеге асырылатынына кепілдік береді.
10. Пайдаланушы Сайтта орналастырылған тауарлар мен қызметтер туралы барлық ақпаратты мұқият тексеруге және дұрыс емес ақпарат табылған жағдайда тауардың немесе қызметтің сипаттамасына қажетті мәліметтерді қосуға міндетті. Егер бұл мүмкін болмаса, хабарландыру күшін жойып, тауар немесе қызмет туралы ақпаратты қайта орналастырып, қате ақпаратты түзетуі тиіс.
11. Тауардың, көрсетілетін қызметтің, жұмыстың бағасын Пайдаланушы Қазақстан Республикасының ұлттық валютасымен (теңгемен) көрсетеді, сондай-ақ тауар, көрсетілетін қызмет, жұмыс құнының баламасын басқа валюталарда көрсетуге жол беріледі. Жеткізу шарттары тауардың сипаттамасына, ал қызмет көрсету шарттары қызметтің сипаттамасына енгізілуі тиіс. Пайдаланушы жасаған тауарды сату және қызметтерді көрсету шарттары осы Келісімге және олар іске асырылатын елдердің қолданыстағы заңнамасына қайшы келмеуі тиіс.
12. Пайдаланушы белсенді қолдау көрсетпеуге және Орындаушының бәсекелестері ұсынатын қызметтер туралы ақпаратты таратпауға міндеттенеді, бірақ тек төмендегілерде қана емес:
- Басқа хабарландыру тақталары, сауда алаңдары, интернет-аукциондар және/немесе Интернет-дүкендер туралы ақпарат;
- Сайтта сатуға тыйым салынған тауарлар мен қызметтерді ұсынатын Интернет-ресурстарда.
13. Компания өзінің бақылауындағы немесе бақылауынан тыс техникалық себептер бойынша пайдаланушының тауарларын немесе қызметтерін көрсету мерзімін ауыстыруға, аяқтауға немесе ұзартуға құқылы. Егер пайдаланушы тауарды немесе қызметті осы Келісімнің немесе қолданыстағы құқық қолдану заңнамасының талаптарын бұза отырып тіркеген болса, Сайт хабарландыруды көрсетуді тоқтатуға құқылы.
14. Пайдаланушыға төменде көрсетілгендегілерге тыйым салынады:
- Бір электрондық пошта мекенжайынан бірдей хабарландыруларды жариялау;
- Бір ұсыныс туралы сөз екені анық болса, мазмұны бойынша ұқсас хабарландыруды жариялау;
- Әр түрлі электрондық пошта мекенжайларынан бірдей хабарландыруларды қайталау;
- Хабарландыру мазмұнына сәйкес келмейтін айдарда хабарландыру жариялау;
- Атауында қайталанатын тыныс белгілері және/немесе әріптік емес символдары бар хабарландыруларды жариялау;
- Сипаттамасы және/немесе тақырыбы/фотосуреттері байланыссыз, оқылмайтын болып табылатын хабарландыруларды жариялау;
- Бір уақытта бірнеше тауарлар мен қызметтердің ұсынысымен хабарландыру жариялау;
- Хабарландыруда зиянды элементтерді немесе Сайттың басты бетіне сілтемелерді қамтитын ресурстарға сілтемелер енгізу;
- Егер мұндай орналастыру құқық қолдану заңнамасын бұзуға әкелуі мүмкін болса, тауар немесе қызмет туралы хабарландыруды орналастыру;
- Хабарландырулар Сайттың тиісті функционалдық параметрлерінде таңдалған географиялық аймаққа және қалаға сәйкес келуі тиіс.
- Бір нақты нысанға, мүлік объектісіне, бос жұмыс орындарына, қызметтерге қатысты бір хабарландыру орналастыруға рұқсат етіледі.
- Хабарландырулар Компания өкілдерімен іріктелген пост немесе премодерациядан өтуі мүмкін.
- Келесілерді сатуды жарнамалайтын хабарландыруларды орналастыруға тыйым салынады:
- спирттік ішімдіктерді;
- темекі және темекі өнімдерін (сонымен қатар, бірақ бұнымен шектелмейді: қыздырылатын темекі өнімдері, қорқорға арналған темекі, қорқор қоспасы, темекіні қыздыруға арналған жүйе, электронды тұтыну жүйесі мен соларға арналған сұйықтықтар);
- есірткілерді;
- порнографиялық материалдар мен заттарды;
- фармакологиялық өнімдерді, медикаменттерді, медициналық өнімдерді, есірткі заттарды және прекурсорларды;
- ұрланған, заңды емес тәсілмен алынған тауарларды;
- өмірі мен денсаулығына қауіп төндіретін заттарды;
- жоқ тауарларды;
- адам ағзалары мен жануарлар ағзаларын;
- ақпаратты жасырын алудың арнайы техникалық құралдарын;
- мемлекеттік наградаларды; жеке құжаттарды, сонымен қатар осы құжаттардың бланклерін;
- деректер базасын;
- атыс, суық, жарақаттайтын қаруды, сондай-ақ оқ-дәрілердің және олардың жиынтықтаушыларын;
- құқық қорғау органдары қолданатын белсенді қорғаныстың арнайы құралдары; бұйымдағы емес морж азу тістерін, піл мен мамонттың азуларын, сондай-ақ бұйымдағы емес бағалы металдар мен асыл тастарды;
- және сатуға тыйым салынған жануарларды, тиісті заңнамен тыйым салынған кез келген басқа да тауарлар мен қызметтерді сатып алуға тыйым салынады.
Сайтта тыйым салынған тауарлардың, қызметтердің және ұсыныстардың толық тізімімен сілтемесі бойынша танысуға болады. Компания құқық иеленушінің немесе құзыретті мемлекеттік органдардың талабы бойынша хабарландыруларды жоюға құқылы. Компания сондай-ақ оның пікірі бойынша қоғамдық мораль ұстанымдары мен ұстанымдарына сәйкес келмейтін кез келген хабарландыруларды алып тастау құқығын өзіне қалдырады. Жою туралы шешім түпкілікті болып табылады және шағымдануға жатпайды.
15. Сайттың әкімшілері мен модераторлары (Компания өкілдері) төмендегі әрекеттерге құқылы:
- Хабарландыру мазмұнының жалпы мағынасына әсер етпейтін орфография мен пунктуацияға қатысты түзетулерді Пайдаланушысының хабарландыруының мәтініне енгізу;
- Оларды орналастыру үшін неғұрлым қолайлы айдарды анықтаған жағдайда хабарландыруларды Сайттың басқа айдарларына ауыстыру;
- Егер олар таңдалған бөлімдердің тақырыбына сәйкес келмесе немесе осы Келісімді бұзса, хабарландыруларды жариялаудан бас тарту, сондай-ақ себептерді түсіндірмей, Сайтты пайдалануға ыңғайлы болу мақсатында бір Пайдаланушыдан хабарландыру санын шектеу.
- Хабарландыруда ұсыныс мәнінің дұрыс емес сипаттамаларын көрсетуге жол берілмейді. Оның ішінде тауарды немесе қызметті сатудың нақты бағасына сәйкес келмейтін бағаны көрсету. Баға барлық тауар немесе қызмет үшін толық көрсетілуі тиіс.
- Орналастырылатын хабарландырудың тақырыбы хабарландырудың мәтініне сәйкес келуі тиіс және Пайдаланушы туралы байланыс немесе жеке ақпаратты (телефон, электрондық мекенжайы, интернет-ресурстың мекенжайын) қамтымауы тиіс.
- Пайдаланушы сатуға ұсынған тауарды/қызметті көрсететін сурет хабарландырудың тақырыбы мен мәтініне сәйкес келуі тиіс. Суретте тек ұсынылған нысан бейнеленуі тиіс. Интернет желісінен жүктелген суреттер қоры және/немесе суреттерге тыйым салынған.
- Пайдаланушылар арасындағы өзара іс-қимылды жеңілдету үшін Компания басқа Пайдаланушылардың байланыс ақпаратына шектеулі қатынауды орната алады. Басқа Пайдаланушылар ұсынған мәліметтерді пайдалану құқығы осы Келісіммен шектеледі.
- Компания пайдаланушылар хабарландыруларының сипаттамасында көрсетілген жарнамалардың немесе ресурстарға гиперсілтемелердің мазмұны үшін жауапты болмайды.
- Олар өткізілетін елдің заңнамасына сәйкес сатуға тыйым салынбаған және шектелмеген, сондай-ақ осы Келісімге қайшы келмейтін тауарлар немесе қызметтер хабарландырудың нысанасы бола алады.
16. Пайдаланушы – коммерциялық сатушы (заңды тұлға, жеке кәсіпер) келесілерге міндеттенеді:
- хабарландыруға (офертаға) шарттың елеулі талаптарын енгізу немесе оларды анықтау тәртібін көрсету, сондай-ақ Қазақстан Республикасының заңнамалық актілерінде белгіленген өзге де талаптарды қосу;
- шарт жасасу тәртібі туралы ақпарат беру;
- сатып алушыларға электрондық шот-фактураларды жазып беру;
- электрондық сауданы жүзеге асыру кезінде Қазақстан Республикасы заңнамасының сақталуын қамтамасыз ету .
3. ПАЙДАЛАНУШЫЛАРДЫҢ ЖЕКЕ ДЕРЕКТЕРІН ӨҢДЕУ ТАЛАПТАРЫ ЖӘНЕ ОҒАН КЕЛІСІМ БЕРУ
1. Хабарландыруларды орналастыру кезінде Сайт Пайдаланушылары Компанияға осы Келісімнің №1 қосымшасында (ҚҰПИЯЛЫЛЫҚ САЯСАТЫ) көзделген талаптармен олардың жеке деректерін өңдеу құқығын береді.
4. ПАЙДАЛАНУШЫ ҰСЫНАТЫН МӘЛІМЕТТЕР
- Компания Пайдаланушымен байланысуға құқылы: ақпараттық хабарламаларды тіркеу кезінде көрсетілген электрондық мекенжайына және физикалық мекенжайға жіберу, сондай-ақ Пайдаланушының ұялы телефонына хабарлама жіберу.
- Ақпаратты жинау Сайттың бағдарламалық құралдарын пайдалана отырып, Пайдаланушының онда хабарландыруларды орналастыру үшін талап етілетін тиісті деректерін өз бетінше көрсету жолымен жүзеге асырылады.
- Жүйеде қамтылған техникалық сипаттағы ақпаратты, мысалы, интернет-хабарламалардың жалпы ережелеріне сәйкес ip-мекенжай Компания желілік жабдыққа қызмет көрсетуге байланысты, сондай-ақ жалпы статистикалық, демографиялық ақпаратты агрегациялау үшін (мысалы, Пайдаланушы қосылған аймақ туралы) пайдаланады.
- Компания Пайдаланушының жеке қажеттіліктері мен мүдделеріне бейімделетін ұсынылатын сервистердің жоғары сапасын қамтамасыз ету мақсатында пайдаланушы жүйесіне соңғы кіру деректерін сақтайды.
- Пайдаланушы Сайттың сервистеріне үздіксіз пайдаланудың уақыт аралығы – сессиялар ішінде қатынауды жүзеге асырады. Тіркелген Пайдаланушы тек қана логин мен құпия сөзді енгізгеннен кейін, кем дегенде, сессия ішінде бір рет қол жетімді Сайттың бөлігіне қол жеткізуді жүзеге асырады.
- Браузер баптауларында жүйеге соңғы кіру деректерін сақтауды өшіру Сайт сервистерін жалпы пайдалану мүмкіндігіне әсер етпейді, алайда пайдаланушы үшін олардың функционалын шектеуі мүмкін.
- Жүйеге соңғы кіру деректері Пайдаланушылардың қызметтерді пайдалануы туралы статистикалық ақпаратты жинау үшін де пайдаланылады.
- Компания нәсілдік немесе этникалық шығу тегі, саяси, діни немесе дүниетанымдық нанымдары, Саяси партиялар мен кәсіптік одақтарға мүшелігі туралы деректерді, сондай-ақ Пайдаланушылардың денсаулығына немесе жыныстық өміріне қатысты деректерді жинамайды және Пайдаланушылардың Сайтта осындай ақпаратты жария еткені үшін жауапты болмайды.
- Компания уақыт өткен сайын жүргізілетін сауалнамаларда Пайдаланушылардың демографиялық деректері (мысалы, білім, Жас, табыс) туралы сұрақтар болуы мүмкін. Мұндай сауалнамалардың көмегімен компания жинайтын деректер иесіздендірілген түрде өңделеді. Пайдаланушылар сауалнамаға қатыспауға және ақпарат беруден бас тартуға мүмкіндігі бар. Компания статистикалық есептерді жасау және қызмет көрсету сапасын жақсарту мақсатында демографиялық деректерді пайдаланады.
- Пайдаланушыға осы Келісімді немесе үшінші тұлғалардың құқықтарын бұза отырып ақпарат беруге тыйым салынады, атап айтқанда, мынадай ақпаратты қамтымауы тиіс өрескел, қорлайтын сөздер;
- өшпенділік, зорлық-зомбылық, кемсіту, нәсілшілдік, ксенофобия, ұлтаралық жанжалдардың насихаты;
- зорлық-зомбылыққа және құқыққа қарсы әрекеттерге шақыру;
- үшінші тұлғалардың жеке құқықтарын немесе зияткерлік меншік құқықтарын бұзатын деректер;
- алаяқтыққа, алдауға немесе сенімге қиянат жасауға ықпал ететін ақпарат;
- ұрланған немесе жалған заттармен мәмілелер жасауға әкелетін ақпарат;
- үшінші тұлғалардың меншігіне, коммерциялық құпияны немесе жеке өмірге қол сұғылмау құқығын бұзатын немесе қол сұғатын ақпарат;
- осы тұлғалардың айқын келісімінсіз басқа тұлғалар туралы жеке немесе сәйкестендіруші ақпарат;
- жеке өмірге қол сұғатын, біреудің ар-намысын, қадір-қасиетін немесе іскерлік беделін қорлайтын мәліметтерді қамтитын ақпарат;
- жала жабу немесе біреуге қауіп төндіретін ақпарат;
- порнография сипаты бар ақпарат;
- кәмелетке толмағандарға зиян келтіретін ақпарат;
- жалған және жаңылыстыратын ақпарат;
- сайттарға, компанияға немесе басқа пайдаланушыларға зиян келтіруі мүмкін вирустар немесе басқа да технологиялар;
- мораль немесе заң нормаларына қайшы келетін жезөкшелік, өсімшылдық немесе басқа да нысандар сияқты аморальдық деп саналатын қызметтер туралы ақпарат;
- компания сервистерімен бәсекелес сілтемелер немесе сайттар туралы ақпарат;
- «спам», «бақыт хаттары», «пирамидалар схемалары» немесе жағымсыз немесе жалған коммерциялық жарнама болып табылатын ақпарат;
- ақпараттық агенттіктер тарататын ақпарат;
- нақты мекенжайы мен жұмыс берушінің тікелей байланыстарын көрсетпестен, Интернетте табыс табу туралы ақпарат;
- франшиза, көп деңгейлі және желілік маркетинг, агенттік қызмет, сауда өкілдігі немесе басқа мүшелерді, субагенттерді, субдистрибьютерлерді және т. б. тартуды талап ететін кез келген басқа қызмет ұсынысымен ақпарат;
- нақты тауарды немесе қызметті ұсынбай, тек жарнамалық сипаттағы мәліметтер;
- хабарландыру арналған юрисдикцияның құқық қолдану заңнамасын өзге түрде бұзатын ақпарат
- Мыналарды: спирттік ішімдіктерді; темекі және темекі өнімдерін (сонымен қатар, бірақ бұнымен шектелмейді: қыздырылатын темекі өнімдері, қорқорға арналған темекі, қорқор қоспасы, темекіні қыздыруға арналған жүйе, электронды тұтыну жүйесі мен соларға арналған сұйықтықтар); есірткілерді; порнографиялық материалдарды немесе заттарды; фармакологиялық өнімдер мен дәрі-дәрмектерді; ұрланған, криминалдық тәсілмен алынған тауарларды; өмірі мен денсаулығына қауіп төндіретін заттарды; жоқ тауарларды; адам органдарын; мемлекеттік наградаларды; дербес құжаттарды, сондай-ақ осы құжаттардың бланкілерін; деректер базасын; атыс және суық қаруды; өнімдегі емес морж азуларын, піл мен мамонттардың азуларын; есірткі құралдарын, психотроптық заттар мен прекурсорларды; есірткі құралдарын, психотроптық заттар мен прекурсорларды; сондай-ақ қымбат бағалы металдар мен асыл тастарды бұйымнан емес; сирек кездесетін және сатуға тыйым салынған жануарларды тиісті заңдарда тыйым салынған кез келген басқа да тауарлар мен қызметтерді сатып алуға тыйым салынады. Сайтта тыйым салынған тауарлар мен қызметтердің толық тізімі сілтемесі бойынша қолжетімді
- Лицензиялауға жататын қызметтер/жұмыстар ұсыныстарымен хабарландыру берген кезде хабарландыру мәтінінде лицензия нөмірі мен лицензияны берген органның атауын көрсету талап етіледі. Компания пайдаланушы ұсынатын/жариялайтын құжаттардың болуына, сәйкестігіне және растығына жауапты болмайды. Сатып алушы қажет болған жағдайда хабарландыруды орналастырған пайдаланушыдан тікелей қажетті құжаттарды өз бетінше сұратады.
- Рейтингтер мен пікірлер жүйесі
- Сервис аясында (Пайдаланушы келісімінің анықтамасына сәйкес - Сайт / Сайттар) Рейтингтер мен пікірлер жүйесі қарастырылған, бұл пайдаланушыға осындай сатушымен транзакциялық тәжірибесіне қатысты бизнес-сатушылардың субъективті бағасын қалдыруға мүмкіндік береді. Транзакциялық тәжірибе, атап айтқанда: Пайдаланушыларға Өнімнің нақты және сенімді сипаттамасын, Пайдаланушылар арасындағы қарым-қатынас нысаны мен тәсілін, жауаптылықты, қатысуды, сатып алынған Өнімді жіберу және жеткізу уақытын, ұқыптылықты білдіреді. Пайдаланушылар арасындағы кез-келген өзара әрекеттесуді бағалау үшін түпкілікті негіз бола алады және транзакцияны (мәмілені) жасау міндетті емес.
- Рейтинг Сайтта көрсетілген тәртіпте, нысанда, мерзімде және санаттарда беріледі. Рейтинг Сайтта Пайдаланушылар ұсынған барлық рейтингтердің орташа деңгейі негізінде 1-ден 10-ға дейінгі шкала бойынша (үтірден кейін бір белгіге дейін) Пайдаланушының хабарландыруларында ұсынылады.
- Сипаттамалық пікір тек сол Пайдаланушының аккаунтында қалдырылған Пайдаланушы үшін қолжетімді. Сонымен қатар, мұндай пікір Компанияның Пайдаланушы әрекеттерін тексеруі үшін көмекші рөл атқарады.
- Егер Пайдаланушыға бір Пайдаланушы бірнеше рейтинг тағайындаса, Пайдаланушының орташа рейтингіне тек соңғы қалған рейтинг қосылады.
- Пікір қолданыстағы заңнаманың ережелерін бұза алмайды және:
- дөрекі сөздер, әдепсіз және порнографиялық мазмұн немесе жеккөрушілік, нәсілшілдік, ксенофобия және ұлтаралық қақтығыстарды тудыратын мәтінді;
- веб-сайт мекенжайларын немесе басқа веб-сайттарға сілтемелерді,
- жарнамалық мәтінді, басқа коммерциялық мәтінді;
- Пайдаланушылардың немесе өзге де жеке тұлғалардың деректері, оның ішінде, бірақ тек қана емес: аты-жөні, тұрғылықты жері, телефон нөмірі, мекенжайы, банк шотының нөмірін;
- Үшінші тұлғалардың құқықтарын, соның ішінде зияткерлік меншік құқықтарын, жеке құқықтарды, оның ішінде жақсы атауды, басқа пайдаланушылардың немесе үшінші тұлғалардың беделін бұзатын мәтінді;
- рейтингке немесе пікірлерге әсер ету мақсатында басқа Пайдаланушылармен немесе үшінші тараптармен келісім нәтижесі болып табылатын мәтінді;
- жала жабатын мәтін жосықсыз бәсекелестіктің көріністерін қамтитын жалған болып табылатын мәтіндірді қамтымайды.
- жала жабатын мәтін жосықсыз бәсекелестіктің көріністерін қамтитын жалған болып табылатын мәтіндірді қамтымайды.
6. OLX рейтинг немесе пікір төменде көрсетілген жағдайларда берілген рейтингті Пайдаланушының орташа рейтингіне қоспауға немесе толығымен не ішінара алып тастауға құқылы:
- бағаланатын пайдаланушы болып табылмайтын Пайдаланушыға қатысты болса;
- Пайдаланушы өзіне қатысты ұсынған болса;
- Пайдаланушының қызметкерлері, туыстары, жақындары және т. б. ұсынылса;
- Пайдаланушымен байланыс нәтижесінде рейтинг және/немесе баға беру мақсатында ғана ұсынылса (мысалы, Пайдаланушыға деген сенім деңгейін жасанды көтеру немесе төмендету үшін);
- аккаунтты тек тіркеу үшін ғана жасалған электрондық пошта мекенжайынан, аккаунттан ұсынылса;
- желілік трафикті талдаудан аулақ болатын шешімдер арқылы орналастыруды немесе орналастыруды автоматтандыруды көрсететін етіп ұсынылса,
- OLX.KZ.Пайдаланушы келісімінің шарттарын өзге түрде бұзса.
Пікір мазмұнына келетін болсақ, Пайдаланушы OLX-ке (Компанияға) Пайдаланушы келісімі және Келісімнің басқа да қолданылатын ережелерінің 6.3-тармағында көрсетілген талаптармен ерекше емес, аумақтық шектеусіз және тегін лицензия береді.
5. ХАБАРЛАНДЫРУЛАРДЫ ЖОЮ СЕБЕПТЕРІ
1. Пайдаланушының хабарламасын Пайдаланушы осы Келісімнің шарттарын бұзуы себебінен, сондай-ақ келесі себептер бойынша жою мүмкін:
- Осы Пайдаланушының Сайтта осы тауардың/қызметтің жарнамасы бар белсенді ұқсас хабарландыруы бар;
- Хабарландырудың негізгі жолдары толтырылмаған;
- Хабарландырудағы ақпарат осы Ережеге және/немесе заңнамаға қайшы келеді;
- Хабарландырудағы ақпарат дұрыс емес;
- Хабарландыру тақырыбы ұсынылған / талап етілген тауар/қызмет туралы ақпаратты қамтымайды;
- Хабарландырудың тақырыбы қайталанатын леп белгісі және сұрақ белгілері, көп нүкте және басқа да белгілер бар;
- Суреттің тақырыбы немесе түсініктемесі Интернет ресурстарға сілтемені қамтиды;
- Фотосурет хабарландыру мәтінімен анық мағыналық байланысы жоқ немесе хабарландыру мәтінін адекватты көрсету мақсаты қызмет етпейді;
- Фотосурет пайдаланушы интерфейс элементтерін, дерексіз суреттерді және т. б. қамтиды.;
- Фотосурет қандай да бір жарнамалық ақпаратты (телефон нөмірі, компанияның атауы, логотипі, координаттары, т. б.) қамтиды;
- Сапасы нашар фотосурет, бейнеленген зат түсініксіз;
- Хабарландыру берілген хабарландырудың мағынасына сәйкес келмейтін айдарға берілген.
6. ТАРАПТАРДЫҢ ҚҰҚЫҚТАРЫ МЕН МІНДЕТТЕРІ
1. Компания сервистерінің көмегімен қол жетімді барлық объектілер, оның ішінде дизайн элементтері, мәтін, графикалық бейнелер, иллюстрациялар, бейнелер, ЭЕМ-ге арналған бағдарламалар, деректер қоры, музыка, дыбыстар және басқа да объектілер, сондай-ақ Сайт сервистерінде орналастырылған кез келген контент Компанияның, Пайдаланушылардың және басқа да құқық иеленушілердің айрықша құқықтарының нысандары болып табылады.
2. Контентті, сондай-ақ сервистердің қандай да бір элементтерін пайдалану Сайттың қандай да бір сервисі ұсынған функционал шеңберінде ғана мүмкін болады. Сайт сервистерінің мазмұнының ешқандай элементтері, сондай-ақ сайттың сервистерінде орналастырылған кез келген контент құқық иеленушінің алдын ала рұқсатынсыз басқаша пайдаланыла алмайды. Пайдалану дегеніміз, соның ішінде, бірақ ерекше емес: кез келген негізде және т. б. жаңғырту, көшіру, қайта өңдеу, тарату болып түсіндіріледі.
3. Компанияға Пайдаланушы ұсынған мәліметтерді жариялау құқығын беру үшін Пайдаланушы Компанияға барлық жерде жұмыс істейтін, мерзімсіз, қайтарып алынбайтын, ерекше емес, сублицензияланатын Пайдаланушы бар авторлық құқықтарға, жарияланымдарға және дерекқорларға қатысты, сондай-ақ барлық белгілі немесе белгісіз ақпараттық тасымалдаушылардағы оларға берілген мәліметтерге, бейнелерге және фотосуреттерге қатысты пайдалану, жариялау, жинау, көрсету, көшіру, қайталау, қайта шығару құқығын береді. Жоғарыда аталған құқықтар Компанияға тегін және мерзімсіз беріледі. Бұл ретте Пайдаланушы хабарландыруда орналастырылатын ақпаратты ұстауға барлық меншік құқығын сақтайды. Жоғарыда аталғандардан басқа, пайдаланушы Сайттың барлық Пайдаланушыларына орналастырылған ақпаратқа қол жеткізу құқығын береді.
Қолданушы мәтінді, суреттерді және хабарландыруға қоса тіркелген басқа да материалдарды Компания жарнамалық материалдарды, мақалаларды, есеп берулерді, талдаударды және т.б. дайындаған кезде қолдана алатындығымен және Компания Қолданушының тарапынан қосымша келісімсіз, сыйақыны өтеусіз өз қалауына қарай қолдана алатындығымен келіседі.
4. Сайт сервистерін пайдалана отырып, Пайдаланушы өзі орналастырған хабарландырулардың мазмұны үшін ерекше жауапты екенін, сондай-ақ барлық патенттерді, тауар белгілерін, коммерциялық құпияны, авторлық құқықтарды қоса алғанда, Сайттағы хабарландыруда ақпаратты орналастыруға барлық қажетті құқықтарға, лицензияларға, рұқсаттарға ие екендігін немесе хабарландыруда сәйкестендірілген барлық тұлғалар мен компаниялардың аттарын немесе бейнелерін пайдалану үшін тиісті жазбаша келісімі, лицензиясы немесе рұқсаты бар екендігін растайды.
5. Сайтта авторлық құқықты қорғау белгісі жоқ бейнелері бар хабарландыруды орналастыра отырып, Пайдаланушы Компания мүддесіне сыйақы төлемей бейнені және/немесе оның бір
6. Пайдаланушының міндеттері:
- Сайт инфрақұрылымына тепе-тең емес үлкен жүктеме әкелуі мүмкін ешқандай әрекет жасамау;
- Компанияның жазбаша рұқсатынсыз Сайтқа кіру үшін автоматты бағдарламаларды қолданбау;
- Компанияның алдын ала жазбаша рұқсатынсыз Сайтта бар кез келген ақпаратты (Пайдаланушының өзі берген мәліметтерден басқа) көшірмеу, ойнамау, өзгертпеу, таратпау және жұртшылыққа ұсынбау;
- Сайтта жұмыс істеуге және басқа қызметке кедергі келтірмеу және кедергі жасамау; сондай-ақ сайтқа кіруге кедергі келтіру немесе шектеу мақсатында автоматты жүйелердің немесе процестердің, сондай-ақ басқа да іс- шаралардың әрекетіне кедергі келтірмеу;
- Осы Пайдаланушымен тікелей мәміле жасау үшін басқа Пайдаланушының жазбаша рұқсатынсыз басқа Пайдаланушылармен ұсынылған мәліметтерді өзге мақсаттарда пайдаланбауға. Келісімнің осы тармағына Пайдаланушының жеке деректері енгізілмеген, оларды тіркелу кезінде компанияға береді.
7. Пайдаланушыға келесілерге тыйым салынады:
- Модераторлармен электрондық хат алмасу арқылы басқа, Модераторлар мен Сайт әкімшілігінің іс-әрекеттерін талқылауға;
- Басқа Пайдаланушылардың аттарына ұқсас Пайдаланушылардың орнына өзін қою және олардың атынан хабарлар жазу мақсатында пайдалану .
8. Басқа Пайдаланушылар тарапынан Пайдаланушының дербес деректеріне қол жеткізу Пайдаланушының осындай қол жеткізуге жазбаша келісімі болған жағдайда немесе тиісті заңнама талаптарын орындау үшін ғана мүмкін болады.
9. Компания Сайт сервистерінің қалыпты жұмысын және заңнамада көзделген жағдайларды қоспағанда, пайдаланушы ұсынған жеке деректерді үшінші тұлғаларға таратпауды қоса алғанда, осы Келісім бойынша өз міндеттерін тиісінше орындау үшін барлық күш-жігерін жұмсауға міндеттенеді.
10. Компания мерзімді түрде Сайт сервистерін пайдалану бойынша шектеулер орната алады, атап айтқанда, хабарландыруларды сақтау күндерінің ең көп саны және олардың мөлшері. Компания кез келген уақытта пайдаланушыны хабардар ете отырып немесе онсыз Сайт сервистерінің немесе олардың бөліктерінің жұмысын өзгертуге немесе тоқтатуға құқылы, бұл ретте осындай өзгерістер немесе тоқтатулар үшін жауапкершілік болмайды.
11. Өз қызметтерінің жоғары сапасын ұстап тұру үшін, Компания Сайтта белсенді Пайдаланушы хабарландыру санын шектеу, сондай-ақ Сайтта Пайдаланушының әрекетін шектеу құқығын өзіне қалдырады.
12. Егер Пайдаланушы осы Келісімнің шарттарын бұзса, Компания Пайдаланушыға сайтқа кіруге тыйым сала алады. Егер Пайдаланушыға Сайт ережесін және үшінші тұлғалардың құқықтарын бұзатын қызметті жүргізу туралы Сайт әкімшілігі хабарласа, бұзушылық фактісі расталған болып саналады. Компания кез келген уақытта Пайдаланушының тіркеу жазбасын жою немесе өшіру, сондай-ақ Пайдаланушының алдын ала хабарламасын өз қалауынша қалдыра отырып, Пайдаланушының барлық орналастырылған хабарландыруларын жою құқығын өзіне қалдырады және бұл ретте Пайдаланушы мен үшінші тұлғалардың алдындағы өз іс-әрекеттері үшін жауапкершілік болмайды.
13. Компания осы Келісімді бұзғаны үшін Сайтта орналастырылған кез келген хабарландырудан өз қалауы бойынша бас тартуға, жоюға немесе орнын ауыстыруға құқылы.
14. Компания оның барлық сервистері мен мазмұны бар Сайтты, оның ішінде Пайдаланушылардың жеке ақпараттары, шарттар немесе өзге де негіздер бойынша өзінің құқық мирасқорына тапсыруға құқылы. Пайдаланушыларды осындай тапсыру туралы беру және хабардар ету қолданыстағы заңнаманың талаптарына сәйкес жүзеге асырылады.
15. Пайдаланушы Сайт жұмысының мәселелері бойынша шағымдарды https://www.olx.kz/contact/ кері байланыс нысаны арқылы жіберуге құқылы, олар келіп түскен сәттен бастап немесе шағымның мәні бойынша толық ақпарат алған сәттен бастап екі жұмыс күні ішінде қаралатын болады. Компания өз қалауы бойынша шағымды қарауды тоқтатуға және/немесе келісім шарттарын бұзған Пайдаланушыларға жауаптардың санын шектеуге құқылы.
Пайдаланушыларға телефон арқылы қолдау көрсететін және/немесе Пайдаланушының телефон қоңырауына жауап беретін Оператор Пайдаланушының Оператор, Компания тарабына бағытталған былапыт сөз тіркесі бар қоңырауды, әңгімені жеке тақырыптарға ауыстыру, әңгіменің әділдігі жағына қауіп төнген жағдайда қоңырауды тоқтатуға құқылы.
16. Компания кез келген уақытта Пайдаланушыдан тіркеу кезінде көрсетілген деректерді растауды талап ету және осыған байланысты растаушы құжаттарды (атап айтқанда – жеке басын куәландыратын құжаттардың көшірмелері/куәландырылған көшірмелері) сұрау құқығын өзіне қалдырады, оларды ұсынбау Пайдаланушының қалауы бойынша дұрыс емес ақпарат беруге теңестірілуі мүмкін. Егер Пайдаланушы ұсынған құжаттарда көрсетілген деректер тіркеу кезінде көрсетілген деректерге сәйкес келмесе, сондай-ақ тіркеу кезінде көрсетілген деректер Пайдаланушыны сәйкестендіруге мүмкіндік бермесе, Компания Пайдаланушыны алдын ала хабардар ете отырып немесе онсыз сайт сервистерін пайдалануға қол жеткізуден бас тартуға құқылы
17. Компанияның кез келген сәтте OLX.KZ қосымшасының белгілі бір нұсқаларын қолдауды (жұмыс істеуін) тоқтатуға құқығы бар кез келген операциялық жүйелер базасында мобильді құрылғылар үшін. Бағдарламаны пайдалануды жалғастыру үшін, Пайдаланушы қосымшаны жаңа нұсқаға жаңартып, немесе қосымшаны өзекті нұсқада жүктеп алу керек.
18. Пайдаланушының Сайттағы әрекеттері негізінде Компания Пайдаланушы өзін «Бизнес-Пайдаланушы» санатына жатқызатынына не жатқызбайтынына қарамастан оны «Бизнес» санатына жатқызуы мүмкін. Пайдаланушы «Бизнес» санатына жатқызу үшін оның әрекеттерінде келесі сипаттардың бірі болуы жеткілікті:
- Хабарландыруды орналастыру барысында кәсіби фотосуреттерді (сток суреттерін) пайдалану;
- Хабарландыру мәтінінде веб-сайтқа/веб-сайт парақшасына сілтеменің болуы;
- Хабарландыру мәтініенде тауардың басқа үлгісін таңдау мүмкіндігі, тауардың бірнеше түрі немесе өлшемінің болуы, тауарға тапсырыс беру мүмкіндігі, Пайдаланушының тауарына кепілдік беруі;
- Пайдаланушының кез келген орналастыру пакетті сатып алуы.
Компания Пайдаланушы Келісімнің осы тармағымен қарастырылған әрекеттерді жасаған айдар/айдарша үшін оны Бизнес-Пайдаланушы санатына енгізеді, қалған айдар/айдаршалар үшін Пайдаланушы Бизнес-Пайдаланушы мәртебесіне жатқызылмайды.
19. Компания Пайдаланушының тіркеу жазбасын бұғаттау немесе тоқтату сәтінен бастап 6 (алты) айдан астам уақыт өтсе, оны қалпына келтіру мүмкіндігінсіз бұғаттауға құқылы. Осы тармақтың мақсаты үшін бұғаттау (тоқтата тұру) себебі Пайдаланушының Пайдаланушылық келісім талаптарын бұзуы, сондай-ақ есептік жазбадағы күдікті белсенділік болуы мүмкін.
Біз осындай шараларды қолдануға мәжбүрміз, өйткені 6 ай өткеннен кейін тіркеу жазбасының деректерін тексеруге және оны пайдалану қауіпсіздігін қамтамасыз етуге мүмкіндігіміз жоқ.
7. ҚЫЗМЕТТЕРДІ ТӨЛЕУ
1. OLX ақылы қызметтеріне тапсырыс беруді (акцептеуді) Пайдаланушы Сайтта мына мекенжайы бойынша жүзеге асырады, жеке тіркеу жазбасында, сондай-ақ Сайттың басқа да тиісті бөлімдерінде.
2. Пайдаланушы Сайтта орналастырылған Компанияның ақылы қызметтерінің бағаларымен танысуға міндеттенеді, содан кейін осындай қызметтерге тапсырыс бере алады. Барлық қызметтердің құны туралы толық ақпарат көрсетілген.
3. Компанияның ақылы қызметтеріне ақы төлеу мекенжайы бойынша көрсетілген тәртіппен жүзеге асырылады.
4. Көрсетілген қызметтер үшін төленген ақша қаражатын қайтаруды Компания мынадай жағдайларда жүзеге асырады:
- Сайттардың функционалды жүйесімен автоматты түрде әрбір алып тасталған хабарландыру үшін модерация барысында (мерзімі өтіп кеткен хабарландыруды есепке алмағанда), егер хабарландыру үшін ақылы қызметтер сатып алынса (Хабарландыруларды жарнамалау үшін арналған қызметтер жиынтықтары, Топ-хабарландыру, VIP-хабарландыру, Тізімнің жоғары жағына көтеру (Біржолғы көтеруді қоса алмағанда), Хабарландырулар тізіміндегі 30 күндік лого). Қызмет көрсетілмеген сағаттар үшін қаражат қайтарылады. Қайтаруға жататын қаражат сомасын есептеу үшін астрономиялық сағаттар есепке алынады, қаражатты қайтару қызмет нақты түрде көрсетілмеген сағаттар үшін жасалады.
- Егер қызмет кез келген техникалық ақау салдарынан көрсетілмесе, төленген қаражатты қайтару Компания өкілетті еткен Сайт/тар әкімшісі тарапынан тұтынушы төлем жасалғанына дәлелдеме ұсынғаннан кейін жасалады. Ол кезде қаражатты қайтару тиісті қызмет үшін төлем жасалған банк картасына жүзеге асырылады. Егер картаның жарамдылық мерзімі аяқталса, немесе өзге де себептермен қаражатты қайтару мүмкін болмаса, ақша Пайдаланушының есепті жазбасына қаражатты болашақта пайдалану мүмкін болу мақсатында қайтарылады.
- Қызметтер ақысын төлеу Компания алып тастаған/блоктаған, бірақ Пайдаланушы осы Келісімді бұзып қайта тіркеген есепті жазбалардан жасалса. Осы орайда қаражатты қайтару тек қана Пайдаланушының өтінімі бойынша жасалады, ал қаражат тиісті қызмет үшін төлем жасаған банк картасына қайтарылады. Егер картаның жарамдылық мерзімі аяқталса, немесе өзге де себептермен қаражатты қайтару мүмкін болмаса, ақша қайтарылмайды.
Есепті жазбаны https://help.olx.kz/hc/kk/articles/360044360174 мекенжай бойынша көрсетілген тізімдегі тыйым салынған тауарлар, қызметтер мен ұсыныстар туралы хабарландыру орналастырғаны үшін блоктаған есепті жазбаларға ақшалай қаражат қайтарылмайды. Пайдаланушыға толық көлемде әрі тиісті сападағы қызметтер үшін төленген қаражат қайтарылмайды.
5. Осы Келісімнің шарттары жүйелі түрде (екі немесе одан да көп рет) бұзылған кезде Пайдаланушымен төленген ақша қаражаттары қайтарылмайды. Пайдаланушының "Пайдаланушылық келісімді" қасақана бұзуының нəтижесінде басқа пайданушылар залалға ұшырауы мүмкін/ұшыраған ықтималдықтың анықталуына орай есептік жазба бұғатталған жағдайда мұндай бұғатталуға дейін алынбаған қызметтер үшін төленген ақша қаражаттары қайтарылмайды.
8. КОМПАНИЯНЫҢ ЖАУАПКЕРШІЛІГІН ШЕКТЕУ
1. Сайт сервистерін пайдалана отырып, Пайдаланушы Сайт пен оның сервистерін өзінің қорқынышы және тәуекелімен «барындай» пайдаланатындығымен өзінің келісімін растайды, Сайтта орналастырылған хабарландыруларды пайдаланумен байланысты барлық тәуекелдерді бағалайды және көтереді, ал Компания, оның ішінде оның басшылығы, қызметкерлері мен агенттері Сайтта орналастырылған хабарландыруларды мазмұн үшін, Сайтта орналастырылған хабарландыруларды пайдалану нәтижесі болған кез келген шығындар мен шығыстар үшін ешқандай жауапкершілік жүктелмейді.
2. Компания Пайдаланушылар немесе оның тарабы арасындағы мәміленің ұйымдастырушысы/бастамашысы болып табылмайды. Сайт Пайдаланушыларға заңмен рұқсат етілген тауарлар мен қызметтерді кез келген уақытта кез келген жерде және кез келген бағамен сатуға, жүзеге асыруға мүмкіндік беретін сауда-саттық коммуникациялық платформасы болып табылады.
3. Компания Пайдаланушылармен хабарландыруда орналастырылатын ақпараттың дұрыстығын бақылай алмайды. Компания мәміле жасау нәтижесінде келтірілген қандай да бір залал немесе мәміле тараптарының қайсыбірінің тиісті мінез-құлқына жауап бермейді.
4. Компания Пайдаланушылардың мінез-құлқына немесе орналастырылған хабарландыруларда көрсетілген олар ұсынатын тауарлар/қызметтер үшін жауапты болмайды. Пайдаланушылар арасындағы барлық даулар мен қақтығыстар Компанияны тартпай өздері шешеді.
5. Компания Компанияның серверлерін және/немесе оларда сақталған Пайдаланушылар туралы кез келген ақпаратты кез келген рұқсатсыз қол жеткізу немесе пайдалану үшін, сондай-ақ Сайтқа немесе Сайт арқылы үшінші тұлғалармен берілуі мүмкін кез келген қателер, вирустар, «троя вирустары» және т.б. үшін жауапты емес.
6. Тауардың немесе қызметтің сапасы, қауіпсіздігі, заңдылығы және олардың сипаттамасына сәйкестігі, сондай-ақ Пайдаланушының тауарды/қызметті сату немесе сатып алу мүмкіндігі Компанияның бақылауынан тыс болады.
7. Компания Пайдаланушыларды Сайт қызметтерін пайдалану кезінде сақ болуға және дұрыс мағынаны сақтауға шақырады. Пайдаланушы оның контрагенті кәмелетке толмауы немесе басқа тұлға үшін өзін басқа біреудің орнына қою мүмкін екенін назарға алуы тиіс. Компания қызметтерін пайдалану деген Пайдаланушы осы тәуекелдерді түсінеді және қабылдайтынын білдіреді, сондай-ақ компания Пайдаланушы тарапынан әрекеті немесе әрекетсіздігі үшін жауапты емес деп келіседі.
8. Пайдаланушы қандай да бір тауарды немесе қызметті ұсыну, сату және сатып алу Сайтта тауарды немесе қызметті орналастыру, сату және сатып алу фактісіне байланысты жарамды және заңды болып табылады деген қорытынды жасай алмайды. Компания Сайт Пайдаланушысымен мәмілені аяқтауына жауапты емес. Пайдаланушы өз іс-әрекеттері үшін толық жауапкершілікті өзіне қабылдайды.
9. Егер Пайдаланушыда Сайттың соңғы қызметтерін пайдалану нәтижесінде басқа Пайдаланушыға наразылықтар туындаса, Пайдаланушы осы талаптарды өз бетінше және Компания тарапынан араласпай талап қоюға келіседі, сондай-ақ Компанияны (оның еншілес компанияларымен, аффилирленген тұлғаларымен, қызметшілерімен, директорларымен, уәкілетті және қызметкерлерімен қатар) осы талаптардың нәтижесінде немесе осындай талаптарға байланысты туындаған барлық талаптардан, міндеттемелерден, залалды, шығындарды, шығындар мен шығындарды өтеу жөніндегі өтемақылардан, белгілі немесе белгісіз адвокаттық қаламақыларды қоса алғанда, босатады.
10. Пайдаланушы немесе өзге Пайдаланушылар Келісімнің ережелерін бұзған жағдайда Компания тарапынан әрекетсіздік Компанияны өз мүдделерін кешірек қорғау үшін тиісті іс-әрекеттер жасау құқығынан айырмайды, сондай-ақ кейіннен осындай не ұқсас бұзушылықтар жасалған жағдайда Компанияның өз құқықтарынан бас тартуын білдірмейді.
11. Пайдаланушы Компанияға басқа Пайдаланушының өз құқықтарын бұзу фактісі туралы сілтемені пайдалана отырып хабарлауға құқылы. Пайдаланушы шағымдары негізді болған жағдайда Компания Пайдаланушының құқығын бұзатын хабарландыруды жояды.
12. Компания алдын алу немесе еңсеру мүмкін емес еңсерілмейтін күштің күтпеген жағдайларына байланысты Сайтқа қол жеткізуді ұсыну жөніндегі міндеттемелерді орындаудағы орындамағаны немесе қиындықтары үшін жауапты емес (мысалы, биліктің шешімдері, еңбек даулары, жазатайым оқиғалар, коммуникациялардың жалпы жүйесіндегі үзілістер және т.б.).
13. Компания жабдық пен бағдарламалық қамтамасыз ету жұмысындағы техникалық іркілістерден туындаған Сайт жұмысындағы ақаулықтар үшін жауапты болмайды.
14. Ешқандай жағдайда Компания, оның басшылығы, қызметкерлері мен агенттері Пайдаланушымен Сайттың және оның сервистерінің пайдаланылу нәтижесінде тікелей, жанама, кездейсоқ, арнайы залал мен айыппұл шығындары үшін (тіпті Компания мұндай залал мүмкіндігі туралы ескертілген болса да), зиян Сайт пен оның сервистерін пайдалану немесе дұрыс пайдаланбау нәтижесінде болған жағдайларды шектемей, жауапты болмайды.
15. Келісімде ештеңе де Пайдаланушы мен Компания арасында агенттік қатынастарды, серіктестік қатынастарын, бірлескен қызмет бойынша қатынастарды, жеке жалға алу қатынастарын немесе Келісімде тікелей көзделмеген қандай да бір өзге де қатынастарды орнату деп түсінілмейді.
16. Компания құқық қолдану заңнамасымен белгіленген шектерде Сайт сервистерінде орналастырылған жарнама үшін жауап береді.
9. КЕЛІСІМНІҢ ҚОЛДАНЫЛУ МЕРЗІМІ ЖӘНЕ САЙТ ҚЫЗМЕТТЕРІН КӨРСЕТУДІ ТОҚТАТУ
1. Осы Келісім Пайдаланушының Сайттың қандай да бір сервисін пайдалануы басталған сәттен бастап немесе Пайдаланушының Сайтта тіркелген сәтінен бастап күшіне енеді және мерзімсіз әрекет етеді.
2. Пайдаланушы бұл туралы Компанияны алдын ала хабардар етпей және себептерді түсіндірмей, Сайтта өзінің тіркелуін біржақты тәртіппен тоқтатуға құқылы.
3. Егер Компания Келісімнің 9.1-тармағымен көзделген тәртіппен Келісімге қандай да бір өзгерістер енгізген жағдайда. Пайдаланушы келіспейтін келісімдер, ол Сайт сервистерін пайдалануды тоқтатуға міндетті. Сайтты пайдалануды тоқтатпау фактісі Пайдаланушының Келісімнің тиісті редакциясымен келісетінін растау болып табылады.
4. Компания тарапынан Келісімді бұзу мынадай жағдайларда орын алуы мүмкін:
- Осы Келісімнің ережелерін бұзу, Компанияға кез келген зиян келтіру, оның ішінде беделіне немесе OLX пайдаланушыларына зиян келтіру;
- Компанияның саясатына қайшы келетін басқа да әрекеттерді жасау.
5. Құқықтық қатынастар Компания әкімшілігі тиісті шешім қабылдағаннан кейін ғана жаңартылуы мүмкін.
10. КЕЛІСІМГЕ ӨЗГЕРІСТЕР ЕНГІЗУ
1. Егер Келісімнің жаңа редакциясы өзгеше көзделмесе, Компания Келісімді қандай да бір арнайы хабарламалындыруынсыз өзгертуі мүмкін, Келісімнің жаңа редакциясы Келісімнің осы абзацында көрсетілген мекенжайы бойынша Интернет желісіне орналастырылған сәттен бастап күшіне енеді. Келісімнің қолданыстағы редакциясы әрқашан мекенжайы бойынша бетте орналасады.
11. ӨЗГЕ ТАЛАПТАР
1. Пайдаланушының хабарламасына қатысты сайттың жүйелік хабарламалары сайтта хабарландыру орналастырылған кезде пайдаланушы ұсынған электрондық мекенжайына жеткізіледі. Пайдаланушы мұндай хабарламаларды алғысы келмеген жағдайда, Пайдаланушы Сайттан тиісті хабарландыруларды жоюға құқылы.
2. Пайдаланушылардың кең ауқымына арналған ақпараттық хабарламалар Сайтта жарияланады және/немесе Сайтта хабарландыруларды жариялау/тіркеу үдерісінде осындай хабарламаларды алуға өз келісімін растаған пайдаланушылардың электрондық мекенжайлары бойынша таратылады.
3. Пайдаланушылар кез келген уақытта Пайдаланушының тіркеу жазбасындағы «Жіберуден бас тарту» функциясы арқылы өзінің электрондық мекенжайына ақпараттық хабарламаларды алудан бас тартуға құқылы.
4. Тараптар арасында осы Келісім бойынша даулар мен келіспеушіліктер туындаған кезде немесе оған байланысты Тараптар оларды келіссөздер жолымен шешуге міндеттенеді. Егер осы Келісімнен туындайтын немесе оған байланысты, оның ішінде оны орындауға, бұзуға, тоқтатуға немесе жарамсыздығына қатысты қандай да бір даулар, келіспеушіліктер немесе талаптар келіссөздер жолымен шешілмейтін болса, онда бұл даулар қолданылып жүрген заңдарға сәйкес сот тәртібімен қаралады.
5. Осы Келісім Қазақстан Республикасының заңнамасына сәйкес реттеледі және түсіндіріледі. Осы Келісіммен реттелмеген мәселелер қолданылып жүрген заңдарға сәйкес шешілуге жатады. Осы Келісіммен реттелетін қатынастардан туындайтын барлық ықтимал даулар заңнамада белгіленген тәртіппен Қазақстан Республикасының құқық нормалары бойынша шешіледі.
6. Егер өзгеше анық көрсетілмесе, осы Келісімнің мәтіні бойынша барлық жерде «құқық қолдану заңнамасы» деген термин деп Қазақстан Республикасының заңнамасы да, Пайдаланушының/пайдаланушылардың болатын жерінің заңнамасы да түсініледі.
7. Сотпен Келісімнің қандай да бір ережесін жарамсыз немесе мәжбүрлеп орындауға жатпайтын деп танылуы осы Келісімнің өзге ережелерінің жарамсыздығына немесе орындалмауына әкеп соқпайды.