Қалай қауіпсіз сатып алуға болады?

OLX мақсаты – «қолдан қолға» саудасын қолдау.

Тауарларды сатып алушымен жеке кездесу мүмкіндігімен өз қалаңызда сатып алу, тауарды сол жерде қарап шығу және төлем жүргізу – келісімнің ең сенімді және қауіпсіз түрі.

Егер сіздер OLX-те қажетті тауарды немесе қызметті тапсаңыз және хабарландыру бойынша келісім жасауға дайын болсаңыз, асықпаңыз: ең алдымен, алдаудан және түңілуден аулақ болуға көмектесетін бірнеше пайдалы кеңестермен танысыңыз.

Хабарландыруды ресімдеу.

Хабарландырудың жалпы көрінісінің өзі автордың қаншалықты адал және сенімді екендігін көрсете алады. Мына жағдайларда мұқият және абай болыңыз:

• хабарландырудың тақырыпатында және/немесе мәтінінде емле қателері өте көп, тауардың/қызметтердің сипаты анық емес және толық емес;
• тақырыпат және/немесе мәтін шет тілінде жасалған, транслитпен жазылған не автоматты аудармашының көмегімен аударылған;
• байланыста ойдан құрастырылған ник (Сатушы) көрсетілген, аты шет тілінде (John Smith) немесе символдардың кездейсоқ жиыны;
• "Телефон" жолында немесе хабарландырудың сипаттамасында сіздің елден басқа, кез келген елдің телефон нөмірі (АҚШ, Ұлыбритания, Нигерия, Камерун және т.б.) көрсетілген.

Тауар және оның сипаттамасы.

Есіңізде болсын, адал сатушы өз тауарына егжей-тегжейлі, барлығына түсінікті сипаттаманы пайдаланады. Мынаны назарға қабыл алыңыз:

• тауардың ерекшеліктерін (сызаттар, түсін, пішінін, элементтер санын, жинақтауды) сатып алуды ұйғарғанға дейін талқылаған маңызды. Сіз бұрын тұтынуда болған тауарды сатып алатын кезде көп жағдайда ол қайтаруға жатпайды (егер, әрине, түсінбестік жағдайында сатушының өзі оны алып кетуге және ақшаңызды қайтаруға келіспесе). Сатушыда чектер немесе кепілдік талондары бар болса өте жақсы;
• тауардың барлық сипаттамаларын алдын ала нақтылаңыз, қосымша фотосуреттерді жіберуін сұраңыз;
• Кездесуде тауардың хабарландырудағы сипаттауға толығымен сәйкес келуіне көз жеткізіңіз, және, егер мүмкіндік болса сол жерде төлеуге дейін ақауларын тексеріңіз.

Баға – аса маңызды параметр.

Егер сізді қызықтырған тауардың бағасы тым төмен, "тартымды" не шартты болса, бұл сіздің назарыңызды алаяқтық мақсатында тартуды ғана білдіреді.

Ақы төлеу және жеткізу.

Бірінші кезекте төлеу тәсілін айқындаңыз. Ең қарапайым төлем тәсілін қолма қолды таңдаңыз. Естеріңізде болсын: банктік карточкаға ішінара немесе толық төлем – алаяқтықтың танымал схемасы. Ақшаны шетелге ешқашан жібермеңіз!

Тауарды жеткізудің қауіпсіз және қолайлы әдісін алдын ала анықтаңыз, тауар қаншалықты сенімді түрде қапталатынын нақтылап алыңыз. Жеткізу үшін кімнің төлейтінін (сіз немесе сатушы) талқылауды ұмытпаңыз. Арнаулы жөнелтім, "үстеме төлеммен" немесе курьер қызметімен тауарды жеткізу ең сенімді тәсілдер болып табылады: тауардың жиынын, оның жағдайын тексеруге және осыдан кейін ғана төлеуге мүмкіндік береді. Сақтандыру тауарды жөнелткен кезде жоғалу барысында, тауардың зақымдалуы кезінде және т.б. қаражаттарды қайтаруға мүмкіндік береді. Осы мәселе бойынша жан-жақты ақпаратты сіздің пошта бөлімшесінің және осы қызметтерді ұсынатын басқа да компаниялардың сайтынан табуға болады.

Сатушымен кездесу.

Егер сіз жеке кездесу туралы уағдаласқан болсаңыз, жақсы жарықтандырылған жерде (алаңда, сауда орталығында және т.б.) кездесуді ұсынамыз. Сатушының пәтерінде сатып алуды жасауға келіспеңіз, алаңқайлардан, тұрақтардан, адам өтпейтін тұйық көшелерден аулақ болыңыз. Кездесуге досыңызбен, танысыңызбен немесе туысыңызбен келген жөн, ол келісімнің қалай жүргізілгенін көреді. Егер сізге хабарландыру бойынша қызметтер көрсету туралы адам келсе, оны үйге шақырмас бұрын одан жеке куәлігін көрсетуді өтініңіз. Кездесер кезде сізге баратын немесе сіз баратын адамдардың байланыс мәліметтерін жазып алуды ұмытпаңыз. Егер қандай да бір себептермен кездесуді орната алмасаңыз, оларға алдын ала хабарлаңыз.

Ақыл-ойға жүгініңіз.

Сатып алу кезінде күмән туындаған жағдайда сатушымен хабарландыруда көрсетілген телефон арқылы байланысуға кеңес береміз. Келісімнің соңына дейін сатушының байланыс мәліметтерін, атын, хат жазысуды, төленгенін және жеткізілгенін растайтын құжаттарды сақтаңыз – олар түсінбестік жағдайында пайдалы болуы мүмкін.

Әрқашан сақ болыңыз, келісім жасаған кезде әрқашан мұқият ойланыңыз, егер күмәндансаңыз өз ақшаңыздан/тауарыңыздан айырылмаңыз.